Auf der B’schau. A Hochzeit in die Berg. Altbayerische Bauernhochzeit.

Auf der B’schau.

Der alte Bauer schlagt in Tisch
Dass kracht als wir a Hamma. 1)
„Dös Dirndl laß‘ i no‘ her,
I laß‘ s‘ nit z’samma!“

As Mutterl aber blast und schnauft
Im schwarzen Mieder drinna.
„Schaug, (sagt’s) Du hast’s ja grad so g’macht, 2)
Geh, thua Di‘ b’sinna!“

As Dirndl denkt – i laß‘ nit aus,
Hat d’Augen niederg’schlagen.
„So sag was!“ – hat der Alte gront. 3)

Gront’s Dirndl drauf: “ I moan, s‘ is
Recht hoaß in derart Stuben,“
Und denk dazua – i laß‘ nit aus,
I g’halt mein Buben!

Draußt vor der Tür, da lust der Kloa‘ 4)
So a Kalfak, rechter.
„Was gibt’s denn heunt?“ – „I woaß, was’s gibt:
As Lisei möcht‘ er!“

1) Hammer. 2) als du freien gingst. 3) gronen = mürrisch reden. 4) horcht der Kleine.

Quelle: A Hochzeit in die Berg‘. Dichtungen in oberbayerischer Mundart zu Hugo Kauffmann’s Zeichnungen von Karl Stieler. Verlegt von Adolf Bonz & Comp. 1887.

Ähnlich