Beim Hochzeitladen. Oberbayerische Bauernhochzeit 

3. Beim Hochzeitladen.

Ja Mutterl, guat Morgen,
heunt kimmts mir grad recht,
Dös siehst mir scho‘ an,
Was i heunt von Dir möcht.

Koa Bussel is ’s nit,
Denn zu dem bist scho‘ z’alt;
Aber ’s gibt scho‘ no‘ junge,
Die wo dös Sach‘ g’fallt.

Und ’s Lisei macht Hochzeit,
Un Toni will’s ham;
Aber oaner alloa
Bringt die Gaudi nit z’samm.

Desz’weg’n lad‘ i ein,
Und wer kimmt, is uns recht;
Aber Jemand muss kemma,
Denn sonst geht’s Enk schlecht!

Jetzt hab‘ i’s Enk g’sagt
Und jetzt wißt’s es – i geh‘.
Am Montag is d’Hochzeit
Und schön werd’s – juchhe!

Quelle: A Hochzeit in die Berg‘. Dichtungen in oberbayerischer Mundart zu Hugo Kauffmann’s Zeichnungen von Karl Stieler. Verlegt von Adolf Bonz & Comp. 1887.

Ähnlich